இன்று நல்ல நாளா கெட்ட நாளா?

என்ன எனக்கு திடீரென்று இந்த ஐயம் என்று பார்க்கிறீர்களா? காரணம் இருக்கிறது. நடப்பவைகளைப் பார்த்தாலும் அப்படித் தான் தோன்றுகிறது. 13ம் எண்ணைப் பார்த்தாலே பயப்படுபவர் இருக்கிறார்கள் இங்கே (மேற்குலகில்). அதுவும் 13ம் நாள் வெள்ளிக்கிழமையாக வந்துவிட்டால் இன்னும் அதிகம் பயப்படுகிறார்கள். சென்ற வாரத்திலிருந்து நிறைய பேர் பேசிவிட்டார்கள் அதனைப் பற்றி. இன்று ஜூலை 13 வெள்ளிக்கிழமையில் வந்திருக்கிறதே. அதனைப் பற்றித் தான் கேட்டேன். இன்று நல்ல நாளா கெட்ட நாளா?

இதன் வரலாற்றைத் தேடிய போது விக்கிபீடியா பதில் சொன்னது. நாம் புனித வெள்ளி என்று போற்றும் நாள் தான் இதன் தொடக்கம் என்கிறது. இயேசுநாதர் சிலுவையில் அறையப்பட்டது வெள்ளிக்கிழமை; அவரும் அவருடைய சீடர்களும் சேர்ந்து 13 பேர் கடைசி உணவு அருந்தினார்கள். அதனால் இந்த இரண்டும் இணைந்தது கெட்ட சகுனம் என்ற நம்பிக்கை தோன்றியது.

மேலும் அறிந்து கொள்ள இங்கேயும் இங்கேயும் பாருங்கள்.